ხელვაჩაურის მუნიციპალიტეტის მერმა, მერის მოადგილეებთან, მერიის სამსახურების, მუნიციპალური ორგანიზაციების ხელმძღვანელებთან და მერის წარმომადგენლებთან ერთად, სამუშაო შეხვედრა გამართა.
შეხვედრაზე განიხილეს მუნიციპალური სამსახურებისა და ორგანიზაციების მიერ განხორციელებული საქმიანობა, მიღწეული შედეგები და სამომავლო გეგმები.
ყურადღება დაგეგმილი პროექტების ეფექტიან განხორციელებაზე
შეხვედრის ფარგლებში განსაკუთრებული ყურადღება დაეთმო დაგეგმილი პროექტების ეფექტიან განხორციელებასა და უწყებებს შორის კოორდინირებული თანამშრომლობის მნიშვნელობას.
მერმა შესაბამისი დავალებები გასცა და აღნიშნა, რომ გუნდის ერთიანი და ეფექტიანი მუშაობა მუნიციპალიტეტში მიმდინარე პროექტების წარმატებით განხორციელების ერთ-ერთი მთავარი წინაპირობაა.
ინფრასტრუქტურული პროექტების დათვალიერება
იმავე დღეს, ხელვაჩაურის მუნიციპალიტეტის საკრებულოს თავმჯდომარე არჩილ მხეიძესთან ერთად, მერმა ორთაბათუმისა და თხილნარის ადმინისტრაციულ ერთეულებში მიმდინარე ინფრასტრუქტურული პროექტები დაათვალიერა.
მერი ადგილზე გაეცნო სამუშაოების მიმდინარეობას და მიმდინარე პროცესების შესახებ ინფორმაცია მიიღო.
სამუშაოები სოფელ წინსვლასა და სოფელ მახოში
სოფელ წინსვლაში მოინახულეს მოქალაქის საცხოვრებელ სახლთან ფერდსამაგრი კედლის მოწყობის სამუშაოები.
სოფელ მახოში კი დაათვალიერეს გაბიონის მოწყობის პროცესი.
მოსახლეობის უსაფრთხოება და მეწყერსაშიში ზონების პრევენცია
როგორც მუნიციპალიტეტში აცხადებენ, აღნიშნული პროექტები მოსახლეობის უსაფრთხოების უზრუნველყოფისა და მეწყერსაშიში ზონების პრევენციის მიზნით ხორციელდება.
მუნიციპალიტეტისთვის მსგავსი ინფრასტრუქტურული სამუშაოები ერთ-ერთ მნიშვნელოვან პრიორიტეტს წარმოადგენს.
სამუშაოების დათვალიერებაში მონაწილე პირები
სამუშაოების დათვალიერებაში მონაწილეობდნენ ხელვაჩაურის დელეგატი აჭარის უმაღლეს საბჭოში, საკონსტიტუციო, იურიდიულ და საპროცედურო საკითხთა კომიტეტის თავმჯდომარე მინდია დიასამიძე, ხელვაჩაურის მუნიციპალიტეტის მერის მოადგილე მანუჩარ მანველიძე, ასევე საკრებულოსა და მერიის შესაბამისი სამსახურების წარმომადგენლები.