საქართველოს სახელმწიფო უსაფრთხოების სამსახურმა 24 და 25 ივლისს ქვეყნის მასშტაბით ელექტროენერგიის მიწოდების ავარიულად, არაერთგზის გათიშვის ფაქტზე გამოძიება დაიწყო.
გამოძიება მიმდინარეობს საქართველოს სისხლის სამართლის კოდექსის 318-ე მუხლით, რომელიც საბოტაჟს გულისხმობს.
გამოძიების სამართლებრივი საფუძველი
სახელმწიფო უსაფრთხოების სამსახურის ინფორმაციით, საქართველოს სისხლის სამართლის კოდექსის 318-ე მუხლი გულისხმობს საქართველოს სახელმწიფოებრივი ინტერესებისთვის საფრთხის შექმნის მიზნით სახელმწიფო საწარმოს ან სხვა მნიშვნელოვანი ობიექტების ნორმალური ფუნქციონირების ხელშეშლას ან მათ დაზიანებასა და განადგურებას.
საზოგადოების ინფორმირება ეტაპობრივად მოხდება
სახელმწიფო უსაფრთხოების სამსახური აცხადებს, რომ გამოძიების მიმდინარეობის შესახებ საზოგადოების ინფორმირებას ეტაპობრივად განახორციელებს.
სახელმწიფო უსაფრთხოების სამსახური / State Security Service of Georgia