განსაკუთრებით დიდი ოდენობით ნარკოტიკული საშუალებების საქმე
საქართველოს პროკურატურამ ორ პირს ბრალდება წარუდგინა განსაკუთრებით დიდი ოდენობით ნარკოტიკული საშუალებების უკანონო შეძენის, შენახვისა და რეალიზაციის ხელშეწყობის ფაქტებზე.
გამოძიებით დადგენილი გარემოებები
საქართველოს შინაგან საქმეთა სამინისტროს მიერ ჩატარებული გამოძიებით დადგინდა, რომ ბრალდებულებმა უკანონოდ შეიძინეს და ინახავდნენ განსაკუთრებით დიდი ოდენობით — 274.276598 გრამ ნარკოტიკულ საშუალებას „მეფედრონს“, 7.91767 გრამ „ტეტრაჰიდროკანაბინოლს“ და დიდი ოდენობით — 0.384 გრამ „ალფა-პვპ“-ს.
გამოძიების ინფორმაციით, ნარკოტიკული საშუალებები 71 ცალკეულ შეკვრად იყო დაფასოებული, რომელთა ნაწილი სხვადასხვა ლოკაციაზე ჰქონდათ განთავსებული.
წარდგენილი ბრალდება
ბრალდებულებს საქართველოს სისხლის სამართლის კოდექსის 260-ე მუხლის მეორე ნაწილის „ბ“ და მესამე ნაწილის „ა“ ქვეპუნქტებით — წინასწარი შეთანხმებით ჯგუფის მიერ ნარკოტიკული საშუალების უკანონო შეძენა-შენახვა, განსაკუთრებით დიდი ოდენობით — ასევე 260¹ მუხლის მეხუთე ნაწილის „ა“ და მეექვსე ნაწილის „ა“ ქვეპუნქტებით — წინასწარი შეთანხმებით ჯგუფის მიერ, განსაკუთრებით დიდი ოდენობით ნარკოტიკული საშუალების უკანონო რეალიზაციის ხელშეწყობა — წარედგინათ ბრალდება.
შესაძლო სასჯელი და სასამართლოს გადაწყვეტილება
აღნიშნული დანაშაულები სასჯელის სახედ და ზომად 20 წლამდე ან უვადო თავისუფლების აღკვეთას ითვალისწინებს.
პროკურატურის შუამდგომლობის საფუძველზე სასამართლომ ორივე ბრალდებულის მიმართ აღკვეთის ღონისძიების სახით პატიმრობა გამოიყენა.