არასამთავრობო ორგანიზაცია „საქართველოს შრომის უსაფრთხოების მონიტორინგის ჯგუფი“ აჭარის ავტონომიური რესპუბლიკის მასშტაბით ახორციელებს სახელმწიფო და კერძო ობიექტების მონიტორინგს შრომის უსაფრთხოების სფეროში არსებული დარღვევების გამოვლენისა და მათი აღმოფხვრის ხელშეწყობის მიზნით.
ორგანიზაციის საქმიანობის მიზანი
ორგანიზაციის საქმიანობის მიზანია დასაქმებულთა შრომითი უფლებების, სიცოცხლისა და ჯანმრთელობის დაცვა, უსაფრთხო სამუშაო გარემოს უზრუნველყოფის ხელშეწყობა და მოქმედი კანონმდებლობით დადგენილი შრომის უსაფრთხოების ნორმების შესრულების მონიტორინგი.
მონიტორინგი ბათუმში მდებარე სამშენებლო ობიექტზე
2026 წლის 25 ივლისს ორგანიზაციის მიერ განხორციელებული მონიტორინგის ფარგლებში, ქ. ბათუმში, ბაგრატიონის ქუჩა №135-ში მდებარე შპს „სანრაიზ პალასის“ სამშენებლო ობიექტზე გამოვლინდა შრომის უსაფრთხოების მოთხოვნების სავარაუდო დარღვევა.
კერძოდ, სამუშაო პროცესში ჩართული თანამშრომლები არ იყვნენ აღჭურვილი კანონმდებლობით გათვალისწინებული ინდივიდუალური დაცვის საშუალებებით, მათ შორის შესაბამისი დამცავი ეკიპირებითა და უსაფრთხოების ღვედებით, მიუხედავად იმისა, რომ სამუშაოს სპეციფიკა აღნიშნული საშუალებების გამოყენებას სავალდებულოს ხდიდა.
სავარაუდო დარღვევის სამართლებრივი შეფასება
აღნიშნული გარემოება წარმოადგენს შრომის უსაფრთხოების ნორმების სავარაუდო დარღვევას.
უფლებამოსილი სახელმწიფო ორგანოს მიერ დადასტურების შემთხვევაში, აღნიშნულმა ფაქტმა შესაძლოა გამოიწვიოს საქართველოს კანონმდებლობით გათვალისწინებული ადმინისტრაციული პასუხისმგებლობა, მათ შორის შესაბამისი სანქციებისა და ფულადი ჯარიმების დაკისრება, დარღვევის ხასიათისა და სიმძიმის შესაბამისად.
მიმართვა შესაბამის სახელმწიფო უწყებებს
არასამთავრობო ორგანიზაცია „საქართველოს შრომის უსაფრთხოების მონიტორინგის ჯგუფი“ მოუწოდებს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს შესაბამის სამსახურს, ასევე ქალაქ ბათუმის მუნიციპალიტეტის მერიის მუნიციპალურ ინსპექციას, დროულად განახორციელონ აღნიშნული ობიექტის შემოწმება.
ორგანიზაცია ითხოვს, შესაბამისმა უწყებებმა შეაფასონ გამოვლენილი გარემოებები და საკუთარი უფლებამოსილების ფარგლებში გაატარონ კანონით გათვალისწინებული შესაბამისი ღონისძიებები.
მონიტორინგის გაგრძელება
არასამთავრობო ორგანიზაცია „საქართველოს შრომის უსაფრთხოების მონიტორინგის ჯგუფი“ მომავალშიც აქტიურად გააგრძელებს მონიტორინგს, რათა ხელი შეუწყოს უსაფრთხო სამუშაო გარემოს შექმნას, შრომითი უფლებების დაცვას და შრომის უსაფრთხოების კულტურის გაძლიერებას.